Gipaubos sa Signal no. 1 ang daghang bahin sa Sugbo human nga hingpit nang nahimong Tropical Depression ang Low Pressure Area sa sidlakang bahin sa Hinatuan, Surigao del Sur ug gihinganlan kini nga “Verbena.”
Diin lakip niini ang Cebu City, Mandaue City, ug Lapu-Lapu City.
Busa, subsob na usab ang pagpangandam sa Cebu City Government alang sa pagsulod ni Verbena pinaagi sa pagpahigayon og coordination meeting.
Ingon man nga naka-anunsyo dayon ang mga lokal nga kagamhanan sa pagkanselar sa mga klase aron masiguro ang kaluwasan sa mga tinun-an ug mga magtutudlo.
Sa pakighinabi usab sa Bombo Newsteam kang Alfredo Quiblat, Chief sa PAGASA Visayas, nga dili angay magkompiyansa bisan paman nga hinay ang iyang hangin apan magdala kini og daghang pag-uwan nga molungtad hangtud ugmang adlawa.
Hilabi na nga gilaumang 100 ngadto sa 200 mm nga rainfall sulod sa mosunod nga 24 ka oras.
Samtang, kanselado ang daghang biyahe sa mga pantalan sa Central Visayas nunot sa hulga sa Tropical Depression Verbena.
Nagmugna usab kini og pagkatanggong sa gatusan ka mga pasahero ug ang uban pa kanila kay nakalukat na og ticket.
Sama nalang sa nahinabi sa Bombo Newsteam nga si Apolonia Nebris, usa sa mga na-stranded diin matud niini nga nagdali unta siya gumikan 50/50 ang iyang inahan apan gipanaog sila gumikan sa giluwat nga Signal no. 1.
