Hingpit na nga nilingkod ang bag-ong hepe sa Highway Patrol Group (HPG) sa Dakbayan sa Sugbo gahapong adlawa, Nobyembre 23.
Ang maong pangu sa HPG-7 mao si Pltcol. Wildemar Tiu, kanhi hepe sa Tagum City Police Station, sa Davao del Norte Police Provincial Office, ug ang gihulipan niini mao si PltCol. Neil Francia.
Si Tiu lumad taga Dakbayan sa Sugbo ug sakop usab sa Philippine Academy Sambigkis Class of 2003. Gawas niana, niserbisyo usab siya sa Cebu City Police Office (CCPO) niadtong nahimo siya nga hepe sa Waterfront Police Station sa Abellana ug Mabolo.
Ingun man nga isip bag-ong hepe, iyaha nga panghingusgan ang hisgutanan kabahin na sa carnap ug motornap, kinsa makita gayud ug masaksihan nga nahitabo kini nga sitwasyon sa Sugbo.
Subay niana, adunay mandato sa maong katuyoan ni Tiu nga mao kana ang usa sa pagabantayan aron mao usab kana ang pagalikayan nga mahitabo.
Gani, padayon usab nga ipatuman ni Tiu ang lakang kabahin na sa road safety.| reports by Bombo Irene Ardiente
