Pwede nang maka-apply via online ang mga Pilipinong anaa sa gawas sa nasud para sa ilang travel tax exemption sumala pa sa Tourism Infrastructure and Enterprise Zone Authority (TIEZA) niadtong Miyerkules, Nobyembre 26, 2025.
Matod pa sa TIEZA nga ang pagpalambo sa Online Travel Tax Services System (OTTSS) kay makatabang sa minilyon ka mga byahedor.
Gani saysay pa ni TIEZA Chief Operating Officer (COO) Mark Lapid nga kini nga lakang kay gibuhat sa gobyerno aron sa pagpasayon sa inisyatiba sa pagpamatigayon diin ang ahensya kay suportado ang online application para sa Travel Tax Exemption Certificate ug Reduced Travel Tax.
Ang katong mga exempted sa pagbayad sa travel tax kay dili na kinahanglan mulinya aron makakuha sa exemption certificate nga makabenipisyo sa 800,000 outbound travelers matag tuig ilabi na ang mga OFWs, mga atletang Pinoy ug uban pa.
Dugang ni Lapid nga ang paghangop sa inobasyon ug ang digital transformation kay dili lamang nag-modernize sa mga serbisyo sa gobyerno apan nagpalambo sab sa overall travel experience.
