Gipakita ni House Majority Leader ug Ilocos Norte Rep. Sandro Marcos ang kopya sa iyang sulat ngadto sa Independent Commission for Infrastructure (ICI) isip tubag sa mga pasangil ni kanhi Rep. Elizaldy Co.
Sa sulat, giinsistir ni Marcos nga wala siyay gitagoan ug andam siyang moatubang sa bisan unsang imbestigasyon nga may kalabotan sa kontrobersyal nga proyekto.
Gidugang niini, nga abli siya sa pagklaro sa komisyon ug motabang sa ilang imbestigasyon aron mapanalipdan ang integridad sa Kongreso.
Ang ICI gikatakda nga magpadayon sa serye sa mga hearing diin si Marcos ug uban pang nahisgutang mga personalidad gilauman nga ipatawag aron mohatag sa ilang bahin.
Kahinumduman nga si Co usa sa mga personalidad nga naglambigit sa daghang mga magbabalaod sa giingong “ghost projects” sa pagkontrol sa baha ug uban pang mga programa sa imprastraktura.
