Kapin sa liboan ka mga Pilipino ug Indonesian nga mga migrant workers ang mitunga niadtong Dominggo nga panagtapok sa Hong Kong aron sa pagbangotan sa mga biktima sa pinakamakamatay nga sunog nga mitumaw sa dapit sulod sa 75 ka tuig.
Ang maong mga komunidad kay naghandum sa kinabuhi sa kapin 146 ka mga nangamatay sa sunog nga midilaob sa high-rise apartment complex sa Tai Po district sa nakalabayng semana.
Kasamtangang gipaubos pa sa imbestigasyon ang maong insidente ingon man sa kasuko sa publiko sa mga kalapasan sa kontraktor sa pagwaling-waling sa fire risk warnings ug mga ebidensya sa dili luwas nga mga construction practices.
Apan ang mga opisyal sa China kay nagpahimangno nga pwede kining gamiton ang ilang gahum kung sa higayong ang pagpundok-pundok gamiton sa “anti-China” protest.
Niadtong Domingo sa gabii, ang kapulisan mikumirmar nga ang ihap sa namatay kay misaka na sa 146 human nila nahuman ang pag-survey sa lima ka nasunog nga buildings.
Gani pipila ka mga patayng lawas ang nakit-an sa mga hagdanan ug sa mga atop diin ang mga residente misulay sa pag-ikyas. Kapin sa 40 ka mga tawo ang giisip nga nawala pa sa sunog, matod sa kapulisan.
Ang mga nagbangotan naglinya og kapin sa usa ka kilometro sa daplin sa canal duol sa nasunog nga Wang Fuk Court housing complex aron magbutang og puti nga mga bulak alang sa mga namatay. Ang uban gilakip ang mga suwat nga gipadala ngadto sa mga biktima.
Ang anoos sa aso nagpabilin sa hangin upat ka bug-os nga adlaw human ang paspas nga pag-ulbo sa kalayo mikatap sa gawas sa pito ka residential tower nga giayo sa amihanang distrito sa Tai Po sa Hong Kong.
