SILG Remulla, dedma sa mga bashers human sa pagtunga sa rally niadtong Dominggo

Gi-dedma lamang ni Department of Interior and Local Government (DILG) Secretary Jonvic Remulla ang mga pagsaway nga gipahamtang batok kaniya atol sa Trillion Peso March nga gipahigayon niadtong Dominggo, Nobyembre 30.

Miingon siya nga ang mga nagprotesta adunay katungod sa pagpahayag sa ilang mga panan-aw ug opinyon.

Dugang niya nga naanad na siya sa bisan unsang pagsaway gikan sa iyang mga kritiko.

Miingon siya nga ang pagdawat sa bisan unsang pagsaway kabahin usab sa iyang trabaho ug wala na siyay pakialam.

Kahinumduman nga ang pipila ka mga nagprotesta nagtunglo kang Remulla sa dihang mibisita siya sa nagpadayon nga lihok-protesta sa C.M. Recto Avenue sa siyudad sa Manila.