Nagsentensiya ang usa ka korte sa Dhaka, Bangladesh sa kanhi Punong Ministro nga si Sheikh Hasina og laing 21 ka tuig nga pagkabilanggo, tungod sa mga kaso sa korapsyon ug pagpangilog og yuta sa usa ka proyekto sa pabalay sa gobyerno.
Gawas sa sentensiya sa pagkabilanggo, siya gimultahan usab og 100,000 taka sa matag kaso, samtang ang iyang anak nga lalaki nga si Sajeeb Wazed Joy ug anak nga babaye nga si Saima Wazed Putul, gisentensiyahan usab og lima ka tuig nga pagkabilanggo ug multa.
Ang maong mga yuta nga nalambigit kabahin sa Rajuk New Town Project sa Purbachal, usa ka suburb sa Dhaka.
Subay niini, usa ka semana ang milabay, si Hasina gisentensiyahan og kamatayon tungod sa mga krimen batok sa katawhan human sa usa ka
bayolenteng pagpangdakop sa mga estudyante nga nagprotesta niadtong 2024.
Ang hukom giisip nga dugang nga hampak sa kanhing lider nga dugay nang nakigbatok sa mga kasong kriminal ug politikal batok kaniya.
