Nakatampo karon og nag silak-silak nga bulawanong medalya ang jiu-jitsu team para sa Pilipinas sa nagpadayon nga 2025 Southeast Asian Games.
Ang mga Filipino jiu-jitsu artist nga sila si Kimberly Custodio ug Dean Roxas parehong nagpakita og impresibong mga pasundayag sa ilang sunod-sunod nga mga duwa sa Ronnaphakat Building sa Navaminda Kasatiryahiraj Air Force Academy.
Napildi ni Roxas ang Singaporean nga si Aacus Hou Yu Ee sa Jiujitsu-Ne-Waza -85 kgs pinaagi sa mubo nga submission. Una niyang gipildi ang mga Vietnamese ug Indonesian fighters sa elimination rounds.
Kini ang iyang ikaduhang bulawang medalya sa samang event. Ang una nahitabo sa 2019 SEA Games.
Sa laing bahin, napildi ni Custodio ang iyang kontra nga Thai fighter nga si Sugun Nutchaya sa 48kg ne-waza jiu-jitsu.
Ang Filipina martial artist nakapuntos og tulo ka puntos sa katapusang 30 segundos sa duwa, nga misangpot sa desisyon sa mga hurado pabor kaniya.
Kini ang iyang unang bulawang medalya sa SEA Games.
Ang duha ka bulawang medalya sa jiu jitsu mao ang ikatulo ug ikaupat nga bulawan sa PH sa nagpadayon nga regional sports competition.
