Milusad sa kampanyang “Tamang Tulong sa Tamang Impormasyon” o 3TI campaign ang buhatan sa Department of Social Welfare and Development – Central Visayas (DSWD-7) aron solusyonan ang halapad nga mga sayup o dili mao nga mga impormasyon sa mga serbisyo sa ahensya.
Giawhag sa DSWD-7 ang mga information officers sa mga nagkadaiyang buhatan sa gobyerno sa rehiyon aron batukan ang false information og klarohon ang mga detalye sa proseso sa mga serbisyo sa buhatan.
Gipahigayon kini nga sugyot atol sa Association of Government Information Officers – Central Visayas (AGIO-7) meeting nga naghisgot sa mga halapad nga mga fake news ilabi na sa social media nga nagpaka-aron ingon nga account sa DSWD sa daw pagpanghatag og pekeng benepisyo.
Gisaysay sa DSWD-7 nga aduna nay mga kaso sa mga impostor social media accounts nga nagpaka-aron ingnon nga taga-DSWD aron sa daw pag-claim sa mga releasing sa cash benefits puli sa pagkumpleto og mga surbey o pagsumiter sa mga personal nga impormasyon.
Gani gawas pa sa mga pekeng accounts kay nakasugat pud sila og mga sayup nga kasayuran sa ilang mga programa sama sa educational assistance ubos sa programang Assistance to Individuals in Crisis Situation (AICS).
Gitambagan sa DSWD-7 ang mga information officers nga suportahan ang ilang kampanya aron i-promote ang sakto ug tukma nga mga impormasyon sa publiko ilabi na sa mga benepisyaryo sa ilang mga programa sa ahensya.
