Gihimakak sa kampo ni Ramil Madriaga nga politika ang hinungdan sa iyang pasangil batok kang Bise Presidente Sara Duterte.
Matod ni Atty. Raymond Palad, abogado ni Madriaga sa pakighinabi sa Bombo Radyo, dugay nang naghisgot si Madriaga sa mga isyu nga iyang nahibaw-an.
Sa miaging tuig, iyang giduol si Senador Risa Hontiveros aron mangayo og tabang alang sa patas nga imbestigasyon.
Una na usab nga adunay mga hungihong nga gihimo kini nga bagman sa kampanya ni VP Sara.
Nalatid sa affidavit nga adunay campaign funds gikan sa POGO operators ug drug syndicates sa 2022 elections.
Ang mga kanhi opisyal ni VP Sara kusganong mihimakak sa bisan unsang pakig-uban kang Madriaga ug mitawag sa alegasyon nga walay basehanan.
Sa pagkakaron, gikatakdang imbestigahon sa Ombudsman ang mga pamahayag ni Madriaga aron masuta ang kamatuoran.
Samtang ang habig ni VP Sara nihimakak sa tanang pasangil sa maong piniriso.
