Wala sa plano nga mahimong magtutudlo ang top 3 sa Licensure Examinations for Teachers (LET) – Secondary Education-English Major.
Kini ang gipaambit ni Christine Ese Perez, top 3 nga adunay 94.40% gikan sa Cebu Normal University atol sa pakighinabi sa Bombo Newsteam nga kung dili tungod sa iyang ginikanan nga maoy nipunting nga maayo kini nga motudlo ug hanas sa Inglis kay wala kini nanguna sa listahan sa topnotchers.
Inay anaa kini sa departamento sa fine arts hilabi na nga intersado kini sa mga maong matang apan matud niini nga tungod dili kaya sa ilang pinansyal busa wala gipursige ni Perez.
Apan, wala man hinuon siya nagmahay gumikan ang pagkuha sa Educ giisip niya kini nga ‘calling,’ ingon man nga nanghinaot kini nga mas mapalambo pa ang iyang skills kabahin sa English major.
Hinungdan nga dako ang iyang pasalamat sa iyang ginikanan sa pagduso kaniya ug paghimata kaniya nga aduna siyay talento sa pagtudlo.
Ingon man nga nipadayag usab kini og pasalamat sa tanang misuporta kaniya lakip na ang mga instructor niini sa iyang tunghaan.
