Patay ang labing menos duha ka tawo ug daghan ang nasamdan human sa pagbuto ug sunog sa usa ka nursing home sa Pennsylvania nga hinungdan sa partial nga pagkahugno sa building.
Sumala sa Pennsylvania Emergency Management Agency, daghang mga tawo ang natanggong usab sulod sa nasunog nga building.
Ang sunog hinungdan sa pagkahugno sa usa ka bahin sa Silver Lake Nursing Home, ug ang mga nasamdan nga biktima gidala sa ospital.
Base sa inisyal nga imbestigasyon sa mga awtoridad, ang pagbuto gipahinabo sa usa ka gas leak.
Samtang, adunay lima ka tawo ang wala pa mailhi, apan ang mga opisyal miingon nga dili sila sigurado kung anaa ba sa building ang mga tawo.
Gikuha sa mga responder ang mga residente gikan sa mga bintana, hagdanan, ug mga elevator ug gidala sila sa luwas nga lugar.
