Gisugat sa pipila ka mga pamilyang biktima sa nakalabayng pagpanghasi sa Bagyong Tino sa Sugbo ang adlaw sa kapaskuhan sa mga evacuation centers.
Kini ang nasuta sa Bombo Radyo Cebu News Team atol sa pagbisita sa Barangay Bacayan Gym sa bukirang bahin sa dakbayan karong adlaw sa Pasko, Disyembre 25 sa mga nagpabiling mga evacuees nga misugat sa Pasko nga dili sa ilang kaugalingong mga panimalay.
Gani eksklusibong nahinabi sa Bombo Radyo Cebu si Rosalie Englatera, usa sa mga bakwit sa Bacayan Gym nga matod pa niini nga mipadit gihapon sila sa pasalamat sa Labawng Makagagahum tungod sa gasa sa kinabuhi ingon man sa pagsugat sa Pasko bisan sa kasimple niini nga anaa ang pamilya ug higala.
Pipila ka hagit nga giatubang sa mga bakwit karon kay ang ilang sugyot sa relokasyon aron mapahimutang na sa tarong ang ilang iya-iya ka pamilya nga nawad-an sa pinuy-anan tungod sa grabeng pagbaha tungod sa bagyo.
