Nakatala lang og mga minor road accidents sa rehiyon ang buhatan sa Philippine National Police – Highway Patrol Group Central Visayas (PNP-HPG 7) karong holiday season.
Kini ang gibutyag ni Police Lt Col. Wildemar Tiu, ang Regional Chief sa HPG-7 sa eksklusibong pakighinabi sa Bombo Radyo Cebu News Team.
Gisaysay ni Tiu nga gawas sa mga gagmay aksidente sa kadalanan kay walay major accidents ang natala sa Central Visayas nga gilangkuban sa Sugbo ug Bohol sukad sa wala pa ang adlaw sa Pasko hangtod sa pagkakaron ug gipanglantawan niini nga magpadayon ang hapsay nga dagan sa trapiko karong panahuna.
Gidetalye pud niini nga kadaghanan sa mga natalang minor road accidents kay tungod sa paggamit og selpon samtang nagmaneho, nag-overspeeding, hago nga nagmaneho (overfatigue).
Dugang pa sa opisyal nga nangandam napud sila sa uban pang mga aktibidad ug kalihukan sa Sugbo sa umaabot Enero 2026 pinaagi sa close coordination isip support unit sa Police Regional Office – Central Visayas (PRO-7).
Pahimango sa opisyal sa publiko nga likayan ang mga dili maayong pamatasan sa pagmaneho sa mga pampublikong kadalanan para sa kaluwasan sa kadaghanan karong holiday season.
