Nagpahigayon og hingpit nga imbestiagsyon ang Consolacion Municipal Police Station (MPS) sa giingong insidente sa saag nga bala ug mikatap sa social media ug gikataho nga nahitabo lapas sa tungang gabii niadtong Disyembre 25.
Sa video, makita ang pagkakurat ug kahadlok sa usa ka pamilya nga nag-abli sa ilang mga pinutos nga regalo ug nabulabog tungod sa milagapak gikan sa ilang bildo nga bintana.
Atol sa pakighinabi sa Bombo Newsteam kang PLT. Rhuffy Federe, ang Deputy Chief sa Consolacion PNP nga daling mirespondi ang mga sakop sa kapulisan human nadawat ang taho gikan sa pamilyang biktima ug nakuha ang usa ka bala nga gisumiter na karon aron ipaubos sa forensic ballistic examination aron mahibal-an ang kalibre sa armas.
Nangayo usab ang mga awtoridad og bullet trajectory analysis aron masayran ang paglupad, elevation, ug direksyon sa projectile.
Dugang pa sa pulis nga usa ka komprehensibo nga imbestigasyon ang nagpadayon ug usa ka Special Investigation Task Unit ang gi-assign sa naasoy nga kaso.
