Nagpasiugda ang Catholic Bishops’ Conference of the Philippines (CBCP) sa kamahinungdanon sa komunikasyon sa usa ka pamilya.
Sumala sa Arsobispo sa Lipa ug presidente sa CBCP nga si Gilbert Garcera, angay alang sa usa ka pamilya nga wagtangon ang paggamit sa mga gadget kung anaa sila sa lamesa sa panihapon.
Gihimo niya ang panawagan kauban sa pagsaulog sa kapistahan sa Holy Family ug ang pagtapos sa Jubilee of Hope sa Parish of the Holy Family sa Luyos sa Tanauan, Batangas.
Dugang niya nga ang mga pamilya karon nag-atubang og duha ka problema, una mao nga ang matag miyembro dili na makahimo sa pagpakigsulti.
Kana gumikan kay napulihan na sa mga modernong messaging apps, text messaging o pagka-busy sa ubang mga butang ang dapat unta pakighinabi sa matag pamilya.
Samtang ang laing babag mao ang pagtratar sa ubang mga tawo sa ilang mga binuhi isip usa ka tawo o bahin sa ilang pamilya tungod kay ang mga iro, iring ug uban pang mga hayop wala’y mga kalag sama sa usa ka tawo.
