Gipangulohan ni Presidente Ferdinand Marcos Jr. ang paghalad og buwak sa estatwa ni Dr. Jose Rizal sa Luneta Park, Manila aron sa pagsaulog sa ika-129 nga anibersaryo sa Rizal Day.
Kauban sa presidente ang iyang pamilya sa pagtambong niining importanteng kalihokan.
Namatikdan niini nga ang kinabuhi ni Rizal nagpadayon sa paghatag og giya ug kusog sa mga Pilipino.
Sumala sa Presidente, ang katawhan kinahanglan nga magkinabuhi subay sa mga mithi nga gipakita sa nasudnong bayani sama sa gugma sa nasud, kamatuoran, ug kaisog sa pagpakig-away alang sa husto.
Giawhag usab sa presidente ang mga batan-on nga ipares ang patriotismo sa responsableng pagkalungsoranon.
Sa iyang pakigpulong, gipasiugda ni Marcos nga ang integridad ug pagkamay-tulubagon mga importanteng hiyas sa mga lider nga gilauman sa katawhan.
Nipasalig usab kini nga adunay luna sa kasing-kasing sa Pamilyang Marcos ang mga Pilipino.
Dugang pa niini nga bisan ablihan sa mga experto ang ilang dughan kay giingong makita ang pulong nga lig-on.
