Nag-operate na ang duha ka mga backhoe kaganihang buntag aron na sa pagpang ugkat sa mga 38 ka mga gibana-banang nagpabiling missing human natabunan sa landslide sa usa ka landfill sa Binaliw 1, Dakbayan sa Sugbo.
Ang maong backhoe nagmani-obra sa pagkabkab sa mga nangalokot nga atop sa nahun-ag nga edispisyo sa sulod sa maong landfill.
Samtang, sa ekslusibong pakighinabi sa Bombo Radyo Cebu newsteam kang Arjen Carmilotis, usa sa mga nangyawat nga mapalgan ang iyahang asawa nga nalakip sa mga natabunan sa landslide.
Iyaha nalang naabtan sa maong dapit ang halapad nga pagdahili busa iyahang gitawagan ang iyahang asawa apan, pakyas siyang nakakuha og tubag niini, ug bugtong nadunggan nalang niya ang mga singgit sa mga katawhan nga nagpakatabang.
Gani, sa kahimtang ni Carmilotis, nahimo paniyang niluwas og 3 ka mga indibwal nga natabunan, pinaagi sa paglatay-latay sa mga atop, ug pangbawg sa mga kabilya.
Sa pagkakaron, padayon gihapon ang search, rescue and retrieval operations sa mga nagkadaiyang personahe nga gipakatap sa maong lugar.
