Gipaubos na sa “standby status” ang anaa sa 1,500 ka mga sundalo didto sa Alaska samtang nagpaabot sa opisyal nga mando gikan ni US President Donald Trump alang sa ilang posibleng pagdeploy sa Minneapolis.
Ang maong lakang gihimo sa kagamhanan sa Estados Unidos isip pagpangandam sa nagkagrabe nga tensyon ug kaylap nga mga protesta batok sa Immigration and Customs Enforcement (ICE).
Nagsugod ang mga protesta pagkahuman sa kontrobersyal nga pagpatay kang Renee Good, kinsa napusilan sa usa ka agent sa ICE sa miaging semana, nga misangpot sa dakong kasuko sa publiko ug sunod-sunod nga demonstrasyon sa kadalanan.
Tungod sa nagkagrabe nga sitwasyon, sayong nagpagawas og pahayag si Presidente Trump nga iyang gamiton ang pwersa sa militar aron mapugngan ang mga protesta ug mabalik ang kahapsay sa lugar.
Sa pagkakaron, nagpabiling mabinantayon ang tibuok syudad samtang nagpadayon ang mga panawagan alang sa hustisya sa kamatayon ni Good.
