Ipakatap sa Kagamhanan sa Dakbayan sa Sugbo, ang mga sakop sa kapulisan sa pipila ka mga tourist spots og hotels nga tambungan sa mga delegado sa Association of South East Asian Nations Summit.
Matud ni Cebu City Councilor Paul Labra ang Chairman sa Committee on Peace and Order nga ilaha gihapong ipatuman ang security template nga gihimong lakang sa nakalabay nga Sinulog, gumikan kay nakita nila ang ka-epektibo niini.
Sigon ni Labra, nga atol sa ASEAN Summit, i-highlight ang mga nagkadaiyang lugar nga laaganan og pipila ka mga sikat nga baligyaanan nga angayan usab nga ipasigarbo.
Gibutyag usab ni Labra, nga adunay mga kaso sa mga pagpangilad sa mga delegado ngadto na sa pagpabook og hotels og accomodations dili lehitimo, apan dugang niini nga pangitaan kinig paagi sa konseho aron masulosyunan dayon sama sa paghimo og ordinansa nga mag-regulate sa mga hotels.
Gipasidunggan usab ni Labra, ang mga sakop sa kapulisan gumikan sa mga kalampusan nga nakab-ot sa dakbayan hilabi na sa pagbantay sa siguridad sa Dakbayan sa Sugbo.
Gilauman nga moabot ang mga delegado sa Enero 28-29 2026 aron sa pagpahigayon sa General Meeting.
