Nihimo og radio communication ang barko sa Philippine Coast Guard (PCG) nga BRP Teresa Magbanua sa mga barko nga moagi duol sa baybayon nga 141 nautical miles kasadpan-amihanan-kasadpan sa Tambobong, Pangasinan karong adlawa, Sabado, Enero 24.
Kini kabahin sa nagpadayon nga operasyon sa pagpangita ug pagluwas alang sa upat pa ka Pilipinong tripulante nga nawala gikan sa 20 ka tripulante nga sakay sa Singaporean-flagged cargo vessel nga M/V Devon Bay, nga gikataho nga nalunod niadtong Biyernes, Enero 23 duol sa Panatag Shoal.
Gitambagan sa operator sa radyo sa PCG ang tanang barko nga moagi sa lugar nga mag-amping, magpabiling mabinantayon ug mohatag og tabang kung gikinahanglan subay sa international maritime regulations.
Samtang, sa usa ka update nga gipagawas sa Chinese Embassy sa Manila karong adlawa, giingon niini nga gihimo ang joint maritime rescue sa China at Philippine Coast Guards.
Una na nga gikumpirma sa Chinese Embassy, nga ang China Coast Guard nakaluwas og 17 ka Pilipinong tripulante samtang duha ang kumpirmadong patay tungod sa insidente.
