Giablihan sa Dakbayan sa Sugbo ang NUStar Junction isip designated lane alang sa mga delegado nga motambong sa ASEAN 2026 Tourism Forum.
Ingon man nga limitado lang nga awtorisado nga mga sakyanan ang tugutan nga mobiyahe paingon sa naasoy nga Resort, diin ipahigayon ang mga opisyal nga miting sugod karong adlawa, Enero 26 hangtod 30, 2026.
Giawhag usab ang mga motorista nga mosunod sa mga regulasyon sa trapiko aron masiguro ang kaluwasan sa dalan ug hapsay nga paglihok sa pag-abot sa mga bisita nga langyaw.
Sa laing bahin, gipahugtan usab sa Mandaue City Police Office ang pagmonitor sa seguridad sa siyudad, labi na sa mga ruta nga agian sa mga delegado paingon sa ASEAN Summit.
Sumala ni Mandaue City Police Office (MCPO) City Director PCol. Cirilo Acosta, bisan kung walay designated engagement area sa Dakbayan sa Mandaue, giseguro gihapon nila ang mga posibleng lugar diin moagi ang mga delegado atol sa dakong kalihokan.
Diin hugot ang ilang pagpatuman sa seguridad sa ruta, gikan sa Dakbayan sa Lapu-Lapu hangtod sa Dakbayan sa Cebu.
