PROVINCE OF CEBU- Nahuman nga hapsay ug maayong nadumala ang Sinulog sa Carmen 2026, basi sa gikabutyag ni PMaj. Jude Cebrero, ang hepe sa Carmen Police Station.
Matod ni Cebrero, wala silay natala nga mga dagkong kadaot ingun man insidente, ug ang security forces naka fully deployed.
Mao kini ang naasoy ni Cebrero atol sa ekslusibong pakighinabi sa Bombo Radyo Cebu Newsteam kaniya, diin iya usab nga gidugang nga gawas sa full deployment sa ilahang security forces, anaa usab ang ilahang aktibong pagbantay sa gidaghanon sa tao, traffic management ug area security measures .
Gikabutyag usab ni Cebrero nga sakto ug igo ang numero sa mga security personnel ang ilahang gipakatap, ug gilangkoban kini sa PNP, force multipliers, ug partner agencies nga mao ang natahasan nga ikatap sa tanang dapit sa Carmen nunot niing kalihokan sa maong lugar.
Gani, iyang gidugang nga kini nga mga personahe mamatyagan sa mge entry ug exit areas ingun man sa mga intersections.
Samtang, ania ang listahan usab sa mga mananaog sa 53rd Sinulog sa Carmen 2026, sa Local ug Open Categories, diin sa Ritual Showdown – Local Category
3rd Placer: Hugpong Sa Maampoong Ipillacion
2nd Place: Tribu Luyanganon
1st Place: Tribu San Roque
Best in Musicality: Tribu San Roque
Best in Costume: Tribu San Roque
Best in Street Dancing: Tribu San Roque
Sa bahin usab sa Open Category
Ritual Showdown:
3rd Place: Tribu Bag-Ong Kasambagan
2nd Place: Banauan Cultural Group
1st Place: Banay Labangon
Best in Choreography
Best in Choreographer
Best in Musicality: Banay Labangon
Best in Costume: Banauan Cultural Group
Best in Street Dancing: Banay Labangon
