CEBU CITY- Napakyas ang kagamhanan sa dakbayan sa Sugbo, hilabi na ang mga miyembro sa Cebu City Council sa pagkompronta sa Department of Environment and Natural Resources maylabut na sa kaso sa midahiling landfill sa Barangay Binaliw 1 niadtong Enero 8.
Kini ang gibutyag ni Cebu City Councilor Joel Garganera, ang Chairman sa Committee on Environment, nga napakyas sa pagkuha og mga tubag ang mga opisyal sa pagpatawag nila sa bag-o lang nga gibutang nga EMB-VII Regional Director: Atty. John Edward T. Ang. sa gipahigayong Executive Session niadtong Miyerkules 28.
Matud ni Garganera nga wala gayud makuha ang tubag sa kagamhanan sa baruganan sa DENR og hilabi na gayud sa hisgutanan sa mga nakalas nga kinabuhi.
Nasayran usab sa konseho nga plano sa buhatan EMB-7 nga mo sumiter og petisyon sa Korte Suprema aron himoun nga transfer station ang Inayawan Landfill, apan sukwahi kini sa tinguha ni Mayor Nestor Archival gumikan dili na sila motugot niini.
Dugang usab niini nga walay kalibutan si Ang. sa mga kalapasan nga Nakita kaniadto sa nahisgutang pasilidad hilabi na sa mga gipang-imposar sa buhatan niini.
Samtang lakip usab nga gihisgutan ang kakuwang sa Disaster Risk Reduction Management sa nakalabay nga mga operasyon sa nahitabong mga kalamidad sa Dakbayab sa Sugbo.
Sa pikas bahin, giangkon ni Garganera nga alanganin ang konseho sa kapasidad sa pag-imbestigar sa angay manubag sa nahitabong pagdahili sa Binaliw landfill apan midugang nga makig-alayon kini sa buhatan sa National Bureau Investigation-7 sa pagpaimbestigar niini.
