Nangambot si Cebu City Councilor Joel Garganera kabahin sa nitumaw karon nga balita nga ang Binaliw landfill, ablihan pagbalik sunod buwan.
Mao kini ang pangutana ug gikabutyag ni Garganera atol sa ekslusibong pagkuha sa Bombo Radyo Cebu newsteam kabahin niini nga hisgutanan. Diin iyang gikabutuyag nga ang tinubdan niini nga balita gitoohan niya nga gagikan sa usa niya ka higalang konsehal sa Mandaue.
Hinuon, giklaro ni Garganera nga nakigstorya na siya sa pipila ka mga konsehal sa Mandaue, ilabi na sa iyang suod nga higala—kinsa iyang abogado sa pagfile niya og writ of kalikasan niadtong 2026, si Atty. Joel Seno, ug nilimod kini nga walay niabot sa ilahang habig kabahin niini nga panghitabo.
Niingun si Garganera nga sa pamulong ni Atty. Seno, “basin” na-misheard ang gisulti sa iyang kaubang konsehal, apan klaro ug tataw nga nihatag lang og report nga sa pagkakaron, ang Prime Waste Solution nag stabilize sa maong dapit ug nagsugod na sa rehabilitation.
Subay niini, ligdong nga gipamulong Garganera nga layo ang posibilidad nga makabalik sa operasyon sunod buwan ang naasoyng landfill, kinsa nakakalas og 36 ka kinabuhi human nahugno niadtong Enero 8.
Gani iya usab nga giklaro nga ang maong landfill sulod sa hurisdiksyon sa Dakbayan sa Sugbo, mao nga kung adunay kasayuran nga makabalik kini o sa bisan unsang kalamboan, ang lokal nga kagamhanan sa Sugbo ang unang masayud niini, ingun man nga daghan pag pagkuwang ang maong pasilidad nga wala masumiti nga mga kinahanglanon.
