Gibutyag ni theater icon Lea Salonga nga usa ka bisexual ang iyang anak nga si Nic Chien.
Gipaambit niini ang journey sa iyang anak isip transgender man ug gibuksan ang iyang gender identity ug sexual orientation.
Sumala sa University of the Philippines Diliman Gender Office, ang gender identity mao ang “personal nga konsepto sa usa ka tawo sa iyang kaugalingong gender, nagtumong sa kung giunsa paghunahuna sa usa ka tawo ang iyang kaugalingon.”
Apil niini ang pagka-transgender, usa ka “label sa identidad alang sa mga indibidwal nga ang gender identity, gender expression, o pamatasan wala nahiuyon sa mga konsepto nga nalangkit sa sekso diin sila gi-assign sa pagkatawo.”
Dugang pa ni Lea, nga sukad pa niadtong elementarya pa si Nic, attracted na kini sa lalaki ug babaye, ug sa dihang nagkadako siya, nahimong mas klaro ang iyang pagsabot sa iyang kaugalingon, labi na sa dihang nagsugod siya sa pagbati og discomfort sa iyang hitsura.
Ingon man nga suportado ni Lea ang iyang anak ug kinasing-kasing nga gidawat, ug gipasigarbo niya kini.
