Mapasalamaton ang Cebu City Disaster Risk Reduction Management Office gumikan kay wala silay natala nga dagkong kadaot human nga miigo ang Bagyong Basyang dinhi sa Sugbo.
Gani, nakadapadala pa ang Cebu City Disaster Risk Reduction Management Office (CCDRRMO) og mga personahe paingun sa Argao, Cebu, diin ang dapit mao ang labing apektadong lugar sa Sugbo human nikuso-kuso si Bagyong Basyang.
Mao kini ang nahimong asoy ni Ferl John Pacaldo, ang pangu sa Cebu City Disaster Risk Reduction Management Office (CCDRRMO), kinsa mao usab anga nangulo sa pagpadala sa mga personahe sa CCDRMO ngadto sa Argao, Cebu aron mo abag human sa kadaot nga gibilin sa bagyo, atol na sa ekslusibong pakighinabi sa Bombo Radyo Cebu Newsteam kaniya.
Gani iyang gidugang nga usa ang CCDRRMO ang niabag sa provincial team, aron na sa pagpanghinlo sa mga dapit nga na landslide sa pipila ka dapit sa probinsya sa Sugbo.
Gani, tungod sa kahapsay ug kapaspas sa mga response team sa Sugbo kabahin sa hisgutanan sa clearing operation, gikabutyag ni Pacaldo nga magpadala usab sila og mga personahe sa Iligan, City, usa sa mga labing nakahiagom og kadaot nunot sa pagkuso-kuso ni Bagyong Basyang.
Gidugang niya nga ang maong deployment sa 30 ka mga personahe nagsubay sa direktiba ni Cebu City Mayor Nestor Archival, ingun man ubos usab sa pagpangulo ni Cebu City Councilor Dave Tumulak, hinungdan nga subsob ang ilahang pagpangandam kay kagabii man sugdan ang ilahang deployment, Enero 7.
Tumong sa maong deployment pa ingun sa Iligan, City kay aron mo-abag kini sa clearing operation sa syudad tungod kay lapad man ang kadaot nga nabilin sa Bagyong Basyang.
