Gipaambit sa vlogger nga si Diwata nga siya gidakop tungod sa giingong “non-compliance” nga may kalabotan sa negosyo sa iyang pares.
Sa usa ka video nga gi-upload niadtong Miyerkules sa buntag, si Diwata miingon nga adunay warrant of arrest batok kaniya.
“Nakulong ako. Bakit? May warrant na naman ako,” ingon ni Diwata sa video.
Sumala sa vlogger, kansang tinuod nga ngalan mao si Deo Jarito Balbuena, wala siyay nadawat nga bisan unsang pasidaan o subpoena sa wala pa siya madakpan.
“Nakakalungkot lang noh. Ganyan yung nangyari. Pwede namang ayusin kung may pagkakamali ako. Pero bakit warrant agad?” ingon niya.
Dugang niya nga dili siya usa ka dako nga negosyante.
“Tsaka hindi naman ako big-time na negosyante. Tamang-tama nga lang pangkain ang kinikita ko, minsan abono pa,” ingon niya.
Wala maghatag si Diwata og mga detalye bahin sa iyang pagkadakop tungod sa kasamtangang kaso nga iyang giatubang. Bisan pa, giingon niya nga temporaryo siyang gibuhian human makapiyansa og P60,000, 24 oras human sa iyang pagkadakop.
“Ang hirap maging Pilipino sa totoo lang. Lumalaban ka naman nang patas. Hindi ka naman namemerwisyo, dumidiskarte ka sa sarili mo para mabuhay ka pero bakit ganun?” matod ni Diwata.
Mahinumduman nga niadtong Abril 2024, si Diwata gidakop usab tungod sa kasong slight physical injuries nga gisang-at niadtong 2018, kalabot sa iyang giingong pag-atake sa usa ka construction worker sa Pasay City.
Si Diwata unang nahimong sikat human nahimong viral ang iyang negosyo sa pares tungod sa overloaded servings sa barato nga presyo. Sa ulahi, nahimo usab siyang kabahin sa mga artista sa usa ka sikat nga teleserye.
