Aduna nalay 4 ka adlaw ang nahabilin ug moabot na ang gikahinaman sa tanan—ang Valentines day. Busa, ang mga Flower Vendor sa nagkadaiyang dapit, partikular na sa Carbon Interim Building, nagpungingi na sa mga display sa mga nagkalain-laing desinyo sa buwak subay sa nagsing-abot nga kasaulogan.
Subay niini, ekslusibong giduaw sa Bombo Radyo Cebu newsteam ang Carbon Interim Building aron personal nga sutaon ang estado na sa presyo sa mga buwak rong panahona.
Gani esklisibong nahinabi usab sa Bombo newsteam si Merry Gabunda, usa ka Flower Vendor sa Carbon Interim Building diin iyang gikabutyag nga nagsugod nag saka ang presyo sa buwak sugod pa gahapong adlawa, Enero 9, hangtud sa kasamtangan, ilabi na ang abot nga mga buwak gikan pa sa Cagayan ug Manila.
Ingun nga giklaro usab ni Gabunada nga nagsaka na ang presyo sa mga buwak kay tungod usab naagian kini og mga bagyo sa nilabayng mga adlaw.
