-- ADVERTISEMENT --
Nakahimo og kasaysayan si Bruno Mars human natala sa Guinness World Record alang sa pinakadakong konsiyerto sulod sa usa ka video game.
Niadtong Enero 17, kapin sa 12.8 milyon ka tawo ang mitan-aw sa iyang virtual concert sa Roblox game nga “Steal a Brainrot.” Nalabwan niini ang rekord ni Travis Scott nga 12.3 million viewers sa Fortnite niadtong 2020.
Sa dula, mipakita si Bruno isip virtual avatar ug gikanta ang iyang bag-ong kanta nga “I Just Might” ug ang hit nga “Locked Out of Heaven.” Ang iyang in-game character nga “Brunito Marsito” gi-download usab og sobra sa 5.4 milyon ka higayon.
Sumala sa duwa, kini nagpakita nga ang musika makahiusa sa mga tawo bisan sa virtual nga kalibutan.
