Sa usa ka talagsaong pagpakita sa disiplina ug teamwork, malampuson nga nasakmit sa liboan ka mga tinun-an sa India ang malampusong nakalangkat og Guinness World Record sa titulong “longest chain of people licking ice cream.”
Nahitabo ang makasaysayanong event sa RK Convention Centre sa Chennai, sa pagpanguna sa Hatsun Agro Products Limited og Arun Ice Creams.
Diin miapil ang 4,008 estudyante nga dunay edad 10 hangtud sa 13-anyos gikan sa walo ka managhigalang tunghaan.
Nalabwan niini ang previous record holder nga Morelli’s Ice Cream sa United Kingdom nga gihawiran ang record sulod sa 15 ka tuig..
Wala nahimong sayun ang pag-organisar tungod kay kinahanglang pug-ngan sa mga bata ang ilang kaugalingon nga kaonon ang ice cream samtang nagpaabot sa go-signal.
Nagmugna ang mga estudyante sa duha ka kadena sa hallways. Sa signal, gamit ang ilang tuong kamot, gikab-ot nila ang cone sa ilang tapad ug dungan kining gitilapan sulod sa usa ka minuto.
Ingo man nga sa wala pa ang aktuwal nga pagsulay, mipailalom una ang mga bata sa instructional video viewing ug duha ka practice rounds aron masigurong walay molapas sa balaod.
