Nagtuo si Presidente Ferdinand Marcos Jr. nga ang mga nasud nga miyembro sa ASEAN kinahanglan nga palig-onon ang ilang mga supply chain ug mapalambo ang pamatigayon sulod sa rehiyon.
Sumala sa Presidente, usa sa mga importanteng leksyon gikan sa pandemya sa COVID-19 mao ang panginahanglan nga himuong mas lig-on ang mga supply chain, labi na tali sa mga kaubang nasud nga miyembro sa ASEAN.
Gibutyag ni Presidente Marcos nga gibanabana nga 23% sa kinatibuk-ang pamatigayon sa ASEAN gikan sa intra-trade, samtang 77% gikan sa gawas sa ASEAN.
Tungod niini, matod niya, ang mga nasud nga miyembro miuyon nga unahon ang pagpalig-on sa relasyon sa pamatigayon sulod sa rehiyon sa ASEAN.
Ang Presidente miingon nga lakip sa mga lakang nga gihisgutan mao ang pagpalambo sa usa ka komon nga ASEAN power grid ug ang standardisasyon sa mga proseso sa pag-import aron mapadali ang mga transaksyon ug mapalalom ang pagsabot sa mga balaod ug sistema sa negosyo sa matag nasud.
Kini nagtumong sa pagpahiuli sa ASEAN isip usa ka lig-on nga pwersa sa ekonomiya sa kalibutan.
