-- ADVERTISEMENT --
Mohimo og lahi nga estratehiya ang Gilas Pilipinas head coach nga si Tim Cone sa ilang pag-atubang sa Australia ugma, Marso 1, para sa FIBA World Cup Asian Qualifiers.
Sumala ni Cone, bisan kung daghang mga Pilipino ang wala makalimot sa kagubot nga nahitabo sa center court niadtong Hulyo 20, 2018, siya miingon nga kini nahitabo na sa nangagi ug kinahanglan nga kalimtan.
Gipasiugda niya nga naka-focus siya karon sa pagpildi sa Australian Boomers aron maibanan ang kasakit nga ilang nasinati batok sa New Zealand kaniadtong Huwebes.
Kahinumduman nga gipildi usab sa Australia ang Pilipinas kaniadtong Agosto sa miaging tuig sa FIBA Asia Cup Quarterfinals.
