Mipadayag si Cebu City Mayor Nestor Archival Sr. sa iyang bahin sa malampusong pagbisita sa niini sa Japan kauban ang delegasyon sa probinsya sa Sugbo ilabi na sa ilang nakuhang dugang inisyatiba para sa waste management sa dakbayan.
Kini ang gipamahayag ni Mayor Archival sa iyang pakighinabi sa mga tigbalita niadtong Dominggo, Marso 1 diin matod pa nga ang ilang delegasyon ngadto sa Yokohama, Japan kay nakatampo kini og dugang kalaam sa pagdumala sa syudad.
Milagda sa Asian Circular Cities Declaration ang Kagamhanang Dakbayan sa SUgbo tali sa City of Yokohama diin ang punto ug tumong kay ang pagpalapad sa mga lakang sa sustainable urban systems sa pagbalanse sa paglambo sa ekonomiya Dungan sa proteksyon sa kinaiyahan ilabi na sa waste management ug wastewater solutions.
Gipamahayag sa mayor nga kinahanglan pabaskogon ang segregation sa matag panimalay ug ang mga nahabilin nga basura kay maoy iproseso sa umaabot nga waste-to-energy facility nga gisugyot sa syudad.
Gisaysay sab niini nga paninguhaon nila sa umaabot nga waste summit para sa mga Metro Cebu LGUs sa musunod nga mga semana aron coordinated ang waste management initiatives mga matag lungsod og dakbayan.
Gipadayag sab ni Mayor Archival nga makab-ot ang maong tinguha basta adunay suporta ug pag-abag gikan sa matag panimalay aron mas sayon nalang ang pagproseso sa segregation sa mga pasilidad sama sa Materials Recovery Facility ug uban pa.
Gilatid niini nga magmugna sila og roadmap ug mga pagtuon aron makasubaybay ang mga opisyal ug ang publiko sa kalambuan sa maong inisyatiba nga mulanat og taas nga panahon.
