Chief tanod, gipatay sulod sa barangay hall

Namatay ang chief tanod sulod mismo sa barangay hall sa Pinapugasan Proper sa Escalante City, Negros Occidental.

Giila ang biktima sa maong pagpamusil nga si “Eduardo,” 61 anyos.

Sumala sa inisyal nga imbestigasyon, unom ka armadong lalaki ang misulod sa barangay hall ug gipusil ang biktima.

Adunay uban pang mga tanod sa lugar sa dihang nahitabo ang insidente, apan wala sila hilabti sa mga suspek.

Human sa pagpamusil, dali nga miikyas ang mga suspek ug gikawat ang handheld radio sa namatay nga tanod.

Padayon pa karon ang imbestigasyon sa kapulisan aron mahibal-an ang motibo sa krimen ug mailhan ang mga responsable.