Giimplementar karon sa Department of Migrant Wokers-7 (DMW-7) ug Overseas Workers Welfare Administration (OWWA-7) ang mga emergency plans, alang sa mga Overseas Filipino Workers (OFW) nga taga Central Visayas kinsa apektado sa kasamtangang tensyon sa Middle East.
Sa karon, gipaubos na sa DMW-7 ug OWWA-7 ang high-alert status ug ang ilang contingency protocols, kini aron mahatagan og kasiguradohan ang seguridad sa mga OFW, ug ang mga pamilya niini mahilikay sa tumang kabalaka nunot sa risgo sa panghitabo sa mga Overseas Filipino Workers (OFW) nga taga Central Visayas nga apektado sa tensyon sa Middle Eastern Countries.
Subay niini, adunay mga pasahero usab ang na-stranded sa Mactan Cebu International Airport (MCIA), hinungdan nga ang DMW-7 usab nipahimutang og help desk o kiosk nga mamahimong dangpanan sa mga na tanggong nga mga pasahero nga mo byahe unta paingun sa Middle East.
Gani, adunay 2 ka mga stranded nga pasahero ang mobyahe na unta paingun sa Riyadh, kinsa hugot nga wala tugoti makabyahe kay sirado na usab ang pipila ka mga tugpahanan sa naasoyng nasud.
Apan, basi sa taho sa OWWA-7, wala pay natalang naangol o namatay sa maong kagubot sa mga langyaw nga nasud karon, kon zero casualties subay sa kapin 33,000 ka mga OFW’s nga anaa sa apektadong dapit sa Middle Eastern Countries nga gagikan sa rehiyon 7.
Samtang, adunay naka stand-by usab nga mga team ang DMW sa MCIA aron mosugat o mo abaga sa mga nauli nga OFW’s aron madalitan og hinabang.
Kini mag agi sa profiling, emergency accomodation, libreng pagkaon, ug transportasyon paingun na sa ilahang tagsa-tagsa ka mga probinsya sa rehiyon 7.
Sumala pa ni Jhoaden G. Lucero, Regional Director sa DMW-7, nipahigayon na sila og coordination—ergency meeting sa OWWA karong adlawa, ug nagtumong kini sa pagtubag sa mga kabalaka nga nahatag sa nahitabong insidente sa Middle East.
Ingun man gikompirmar usab ni Lucero nga nakasinati sila og lapad nga mga kanseladong byahe gikan na sa International Airports, gani sukad pa niadtong Dominggo, Marso 1, ilahang namonitor ang bound to Middle East.
Busa, nimando si Lucero sa ilahang giporma nga team nga ipasiguro nga ang facilitation center kay magpabiling abli aron mohatag og assistance sa bisan kinsang nanginahanglan niini nga matag OFW’s.
