CENTRAL VISAYAS- Giawhag sa Department of Trade and Industry – Central Visayas (DTI-7) ang mga konsumidor ug mamalitay sa rehiyon nga ireport sa ilahang buhatan ang mga tindahan nga nag-overpricing, nag-hoarding, ug bisan unsa pang matnag sa pagpanikas batok sa mga customer.
Kini ang panawagan sa ahensya human nanglutaw ang mga taho nga musaka ang presyo sa mga batakang panginahanglaon mugna sa kalibutanong krisis sa ekonomiya tungod sa kagubot sa Middle East.
Sumala pa nga sa ulahing monitoring sa DTI-7 kay aduna pay kaigo nga suplay ug pundo nga mga produkto ang mga dagkong supermarkets, groceryhan, ug uban pang tindahan sa probinsya sa Sugbo ug Bohol.
Gipasalig sa ahensya nga ang mga presyo sa mga palaliton kay nagpabiling stable sa pagkakaron.
Dugang pa nga nagtuman gihapon ang mga tigpamatigayon sa lagda sa kagamhanang sa Suggested Retail Prices (SRP) sa mga batakang palaliton.
Apan, giawhag gihapon sa DTI-7 ang public nga magbinantayon sa mga tikasan nga mga tindahan ug abagan sila sa pagpitol niino aron walay pagpangabuso batok sa mga konsumidor ang mahitabo.
