Patay ang upat ka indibidwal samtang anaa sa kritikal nga kondisyon ang usa ka laing tawo nga nalambigit sa aksidenteng nahitabo sa kadalanan sa Cebu Transcentral Highway, Sitio Maaslom, Barangay Busay ning dakbayan sa Sugbo niadtong Martes sa hapon, Marso 10, 2026.
Sa pakighinabi sa Bombo Radyo Cebu News Team kang Police LtCol. Franco Rudolf Oriol, ang Deputy City Director for Operations sa Cebu City Police Office nga matod pa pasado alas 2 sa hapon naabot sa ilahan ang report kabahin sa insidente sa maong dapit nga gikalambigitan sa usa ka mini delivery van ug motorsiklo.
Gikatahong adunay tulo ka sakay ang motorsiklo ug tulo usab ang sakay sa delivery van diin adunay usa ka drayber og duha ka pahenante.
Asoy pa nga padulhog sa maong dapit ang delivery van sa dihang nawalaan kini og control sa manobela ang drayber nga hinungdan sa pagsalpak niini sa motorsiklo nga kasugat sa dalan.
Dugang pa nga ang tanang sakay sa motorsiklo kay diha-diha dayon nawad-an sa ilang kinabuhi gani aduna pay naputol ang bahin sa lawas. Samtang sa habig sa delivery van kay dead-on-arrival sa tambalanan ang drayber niini ug anaa sa kritikal ang konsisyon sa duha ka pahenante.
Sa pagkakaron pa nagpadayon pa ang gilsuad nga imbestigasyon sa kapulisan sa dakbayan nga gipangunahan sa Traffic Enforcement Unit aron masuta ang tanang angulo sa panghitabo.
