CEBU CITY- Nagpundok kagahapong adlawa sa Miyerkules, Marso 11 sa Plaza Independencia ning dakbayan sa Sugbo ang mga tigpaluyo sa pamilyang Duterte sa ilang paghandom sa usa ka tuig kasumaran sa pagdakop niini og gipalupad sa hukmanan sa International Criminal Court sa the Hague, Netherlands.
Ang ilang panagtipon kay nag-ulohang “Justice for Tatay Digong, Justice for Filipino People” nga gipasiugdahan sa grupong Maisug pinaagi sa ilang lead convener ug iladong DDS vlogger nga si Jun Abines.
Sumala pa sa eksklusibong pakighinabi ni Abines sa Bombo Radyo Cebu News Team nga sukad sa pagkadakop ni kanhi Presidente Rodrigo Duterte kay daw mas nibaga pa ang pagsuporta sa ilang idolo nga mas gipakusog atol sa anunsyo sa kamagwangang anak nga babaye nga si Bise Presidente Sara Duterte-Carpio sa planong mulansar kini sa 2028 sa pagka-presidente.
Ang kalihukan sa maong grupo kay gipangunahan sa candlelight prayer diin dili lamang sa Plaza Independencia sila nagtapok pan ang uban sab nga DDS parallel groups kay naghikay og kalihukan sa ubang dapit sa Sugbo sa hinaot nga mapanumbalik sa Pilipinas ang ilang pinalangga nga president.
Dugang pamahayag ni Abines nga bisan man sa iyang hinaot nga makapauli si Duterte apan sukwahi na kini ang reyalidad. Gani lantaw nila nga posible sa posible dili na makauli ng buhi ang president nagmando sa peke ug dugoong war on drugs.
