Miuyon ang United Kingdom nga tugotan ang United States sa paggamit sa ilang mga base militar aron posibleng atakehon ang Iran.
Kini nahitabo human nagkasinabot ang mga British ministers sa usa ka meeting nga tugotan ang US sa paggamit sa ilang mga base militar nga nahimutang sa Middle East.
Gumikan niini, mahimo pa kini nga mapalapdan pinaagi sa paghatag og proteksyon sa mga barko nga moagi sa Strait of Hormuz, nga giingong target usab sa Iran.
Giklaro sa UK nga dili sila direktang moapil sa bisan unsang pag-atake batok sa Iran.
Gipasiugda usab sa UK nga ang krisis sa Middle East kinahanglan nga masulbad dayon, ug ang tensyon tali sa Iran ug uban pang nasod kinahanglan mahuman sa malinawon nga paagi.
Kahinumduman nga kaniadto, mipahayag ang UK nga dili nila tugotan ang US sa paggamit sa ilang mga base militar sa Middle East tungod kay dili nila gusto nga maapil sa bisan unsang gubat.
