Nagpasiugda ang Kagamhanang Dakbayan sa Sugbo og programang nagpalapad sa oportunidad alang sa mga Senior Citizens sa syudad nga makapag-trabaho isip part-time service crew kaniadtong Sabado, Marso 21, 2026.
Kun diin gihangop sa 257 ka mga aplikante ang gitanyag nga programa sa dakbayan atol sa screening process sa maong posisyon.
Nagtinguha kini nga makahatag og short-term employment sa mga baskog pa natogn mga katiguwangan nga makatampo sa ilang pangita og panginabuhi.
Ang inisyatiba kay gipangunahan sa Cebu City Department of Manpower Development and Placement (DMDP) diin bukas alang sa mga senior citizens nga nag-edad og 60 nga dto sa 65 anyos ang programa.
Gani libre pud kini silang makapanghimulos sa medical services requirements pinaagi sa Cebu City Medical Center (CCMC).
Gikan sa maong ihap, adunay inisyal mga 102 ka mga seniors ang napili og ideploy sa pipila ka mga fast food establishment sa syudad diin matag usa kay ma-assign sa five-month engagement diin upat ka oras sa lima ka adlaw nga trabaho sa semana ang ilang tumanon nga makadawat gihapon og minimum wage.
Gihimug-atan sa administrasyon sa kagamhanang dakbayan nga ang maong programa kay kabahin sa mas lapad nga tinguha sa inklusibong paglambo sa syudad diin ang mga katiguwanan kay mamahimo gihapon makatampo sa ilang gihaguan.
