Nagpasidaan ang Islamic Revolutionary Guard Corps (IRGC) sa Iran nga ilang sirad-an ang Strait of Hormuz.
Kini kon ang US ug Israel ipatumba ang ilang mga imprastraktura sa enerhiya.
Dugang pa nila nga dili sila magduha-duha sa pagbalos pinaagi sa pag-target usab sa mga importanteng imprastraktura.
Sumala sa Iranian speaker nga si Mohammad-Bagher Ghalibaf, ilang gub-on ang tanang imprastraktura sa tanang rehiyon sa golpo kung kini mahitabo.
Nagpasidaan usab kini nga ang pagtaas sa mga produkto sa lana posible pang molungtad og dugay.
Kahinumduman nga si Trump nagpasidaan nga ang Iran kinahanglan nga magbukas sa Strait of Hormuz sulod sa 48 oras ug kon dili nila kini buhaton, ilang atakehon ang mga oil ug energy infrastructure sa Iran.
Mibutyag usab si Presidente Masoud Pezeshkian sa Iran nga ang mga hulga mao ang naghiusa sa katawhang Iranian.
Dugang pa niini nga ang ilang ilusyon sa pagpapas sa Iran gikan sa mapa usa ka desperado nga lakang.
Giklaro usab niini nga ang Strait of Hormuz bukas sa tanan nga nasud gawas niadtong mga nagkalapas sa ilang nasud.
Gihimug-atan niini nga andam silang makig-away, subay sa mga hulga sa Estadus Unidos og Israel.
