Nangulo si Cebu Archbishop Alberto “Abet” S. Uy sa pag-ampo sa Holy Rosary at the Archbishop’s Residence isip pagsaulog sa Earth Hour, uban sa mga miyembro sa iyang panimalay.
Ang kalihokan kabahin sa tibuok kalibutan nga pagsaulog sa Earth Hour, nga nag-awhag sa mga indibidwal ug komunidad sa pag-apil sa mga paningkamot sa pagpanalipod sa kalikupan.
Sa iyang mensahe, giawhag sa Arsobispo ang mga magtutuo sa pag-atiman sa kalikupan, nga nagpasiugda sa kamahinungdanon sa mga gagmay nga mga aksyon.
Gihimug-atan niini nga sa pagpalong sa mga suga, atong ipasiga ang atong konsensya ug bag-ohon ang atong pasalig sa pag-atiman sa kalikupan.
Nanghinaot usab kini nga makapukaw ug makapasiga kini pagbalik sa atong kagustuhan nga mag-amping sa kinaiyahan.
