CENTRAL VISAYAS- Nakakumpleto ang Department of Energy (DOE) og 66 ka mga spot checks sa nagkadaiyang buhatan sa gobyerno sa Central Visayas sukad niadtong Maro 4 hangtod 24 ning kasamtangang tuig.
Nanukad kini sa mando sa Memorandum Circular No. 114 ug Executive Order No. 110 nga nag-asoy sa pagkonserbar og kuryente karong panahon sa krisis.
Sa 77 ka mga buhatan nga gironda niadtong higayona, nakatala ang rehiyon og 66 ka mga opisina ang complaint sa energy conservation measures kun 86% sa national total nga maoy pinakadako sa tibuok Pilipinas.
Ang rehiyon kay adunay bana-bana nga 371 ka mga government entities nga ubos sa maong direktiba nga nagpasabot nga ang gibuhat nga spot checks kay nakatuyok sa kapin 18% sa tanang opisina sa rehiyon.
Sa 66 ka mga opisina, 19 ang nakadawat og five-star rating, tulo ang nakadawat og four-star rating, 30 ang nakadawat sa three-star rating, 10 ang nakakuha og two-star rating, ug upat ang nakakuha sa one-star rating.
Ang mga national line agencies ang nakatala sab sa 38 sa 66 ka mga opisinang nabisita diin 6 ang nakakuha sa five-star rating. Samtang sa mga Local Government Units kay 22 ang nakatungtong sa mga pwesto nga adunay tulo ang nakatala sa five-star rating.
