Patay ang walo ka tawo ug usa ka bata ang nasamdan human nahugno ang usa ka balay sa Kabul, Afghanistan niadtong Abril 3, sumala sa National Disaster Management Authority.
Base sa German Research Center for Geosciences, usa ka 5.9 magnitude nga linog ang miigo sa rehiyon sa Hindu Kush sa giladmon nga 177 kilometros.
Kusog nga paglinog ang nabati sa nagkalain-laing mga lugar, lakip ang Islamabad sa Pakistan, ingon man ang Kabul ug New Delhi sa India.
Ang Afghanistan nailhan nga usa ka nasud nga dali maapektuhan sa ingon nga mga insidente tungod sa bukiron nga heograpiya niini.
Gibanabana nga anaa sa 560 ka tawo ang mamatay matag tuig tungod sa mga linog sa nasud.
Niadtong Nobyembre 2005, usa ka kusog nga linog nga may magnitude nga 6.3 ang miigo sa Afghanistan, nga nagbilin og labing menos 27 ka tawo nga patay samtang naguba ang gatusan ka mga balay.
