Gipanglantawan sa administrasyon ni US President Donald Trump ang posibilidad nga idugang ang firing squad, electrocution, ug gas asphyxiation isip alternatibong pamaagi sa pagpatuman sa silot nga kamatayon sa federal level, sumala sa usa ka report sa US Justice Department.
Sumala sa report, ang tumong niini mao ang pagsulbad sa kakulang sa mga lethal injection drugs ug pagsiguro nga mapadayon ang pagpatuman sa death penalty bisan pa sa mga limitasyon sa suplay.
Kabahin kini sa lakang sa administrasyon ni Trump aron ibalik ang federal executions human giwagtang ang moratorium sa miaging administrasyon.
Sa pagkakaron, kapin sa 40 ka kaso ang gipasiugda alang sa silot nga kamatayon, bisan wala pa’y nakaabot sa aktuwal nga execution. Tulo na lang ang nahibilin sa federal death row human giusab sa miaging administrasyon ang kadaghanan sa mga sentensya.
Nakakuha kini og pagsaway gikan sa mga grupo sa tawhanong katungod ug pipila ka mga magbabalaod, nga miingon nga ang maong mga pamaagi mabangis ug dili tawhanon.
Bisan pa niini, giinsistir sa US Justice Department nga gikinahanglan ang maong mga alternatibo aron mapadayon ang pagpatuman sa balaod.
