Gibalhin na usa usa ka ospital si Iranian Nobel Peace Prize Winner Narges Mohammadi, human sa gi-atake sa kasingkasing duha ka semana ang milabay.
Sumala sa foundation nga gidumala sa iyang pamilya, ang iyang sentensiya temporaryong gisuspinde baylo sa dakong piyansa aron makadawat siya og mas maayong medikal nga pagtambal.
Si Mohammadi, 54 anyos, gihatagan sa Nobel Peace Prize niadtong 2023 samtang naa sa prisohan tungod sa iyang kampanya alang sa mga katungod sa kababayen-an ug pagsupak sa silot nga kamatayon sa Iran.
Gikan sa prisohan sa Zanjan, gidala siya sa Pars Hospital sa Tehran diin siya matambalan sa iyang kaugalingong medical team.
Niadtong Pebrero, si Mohammadi gisentensiyahan og laing pito ka tuig nga pagkabilanggo. Ingun man nga gidakop usab siya niadtong Disyembre human niya gikondenar ang kamatayon sa abogado nga si Khosrow Alikordi.
Bisan tuod temporaryong gibuhian si Mohammadi gikan sa prisohan, ang iyang foundation miingon nga ang pagsuspenso sa iyang sentensiya dili igo ug kinahanglan siyang buhian nga permanente tungod kay kinahanglan niya ang padayon nga medikal nga pagtambal.
Samtang, ang mga internasyonal nga grupo sa katungod nagpadayon sa pagmonitor sa sitwasyon sa Iran tungod sa mga taho sa mga pagpanghadlok, mga pagdili sa internet, ug giingong padayon nga pagbitay sa mga nalambigit sa mga protesta sa nasud.
