Giabiabi ni Presidente Ferdinand Marcos Jr. ang panagtagbo nila ni US President Donald Trump ug Chinese Presidennt Xi Jinping, nga nag-ingon nga ang padayon nga diyalogo tali sa duha ka gamhanang nasud kay mahinungdanon aron mapadayon ang kalinaw ug kalig-on taliwala sa kasamtangang tensyon sa geopolitikal.
Matud ni Marcos nga positibong senyales ang padayon nga komunikasyon tali sa Estados Unidos ug China bisan pa sa mga isyu nga giatubang sa duha ka nasud.
Gipasiugda usab sa Presidente nga ang diplomasya ug abli nga komunikasyon importante aron mapugngan ang dugang nga panagbangi ug mapadayon ang kahusay sa rehiyon ug sa kalibutan.
Wala maghatag si Marcos og dugang nga mga detalye sa sulud sa panag-istoryahanay tali ni Trump ug Xi, apan miingon siya nga ang bisan unsang diyalogo tali sa duha, giisip nga usa ka hinungdanon nga lakang.
