Mokabat sa 20 kilos sa gituohang illegal nga drugas nga mobalor sa P136 Milyones, atol sa malampusong buy-bust operation sa PDEA-7 inabagan sa PDEG-SOU7 ug Naga City Police sa Purok Gaway-gaway, Barangay Uling, Dakbayn sa Naga, Probinsya sa Sugbo, kagahapon, Sabado sa kahapunon, Mayo 23, 2026.
Atol sa pakighinabi sa Bombo Radyo Cebu ngadto kang Jonar Cuayzon, ang Lead Agent sa PDEA-7, nga ang maong gindiling drugas gikan pa sa kaulohan og gitransport lang paingon sa Sugbo, pinaagi sa mga pribadong sakyanan.
Sigon sa PDEA-7 nga pipila nila ka semana gimonitor ang mga suspek kinsa usa sa mga dakong tigtagak og ginadiling drugas sa Sugbo.
Human nasuta nga niabot nasa Sugbo ang mga suspek dali nila kining gipaubos sa transaksyon pinaagi sa usa ka buy-bust operation.
Giila ang mga dinakpan nga sila si; Alias “Romy”, 57 anyos, naay kaipon, kanhi electrician, residente sa Southern Leyte, samtang si Alias “Dante”, 47 anyos, minyo, construction worker, taga Laguna, City.
Nakuha ang mga gidudahang 20 kg. nga illegal nga drugas sulod sa eco bag sa maong gisakyan nga auto.
Mag-atubang ang mga dinakpan og kasong may kalapasan sa Section 5 in relation to Section 26 paragraph b and Section 11, Article II of RA 9165 o Comprehensive Dangerous Drugs Act of 2002.
