Nanghinaot nga makunhuran ang gipadayag nga posibleng mokabat sa 60 ngadto sa 70 ka saksi ang ipresentar sa prosecution panel sa pagdungog ni Kanhi Presidente Rodrigo Duterte sa International Criminal Court (ICC).
Kini ang gipaambit ni Atty. Rameses Victorious Villagonzalo, accredited ICC lawyer atol sa pakighinabi sa Bombo Newsteam aron makuhaan og lawom na pagpasabot sa nahitabong unang status conference sa kaso ni Rodrigo Duterte.
Matud niini nga kinahanglan nga makunhuran ang naasoy nga ihap gumikan pipila sa mga motestigo susama lamang og substance sa ilang testimonya busa gihimug-atan niini nga dili na kini ma-justify.
Apan, kon gani dili kini makuhaan ug magpabilin sa 70, siguradong magdugay gayud ang maong kaso.
Gipasabot usab ni Atty. Villagonzalo ang kalahian sa state witness ug insider witness, diin ang state witness kay giisyuhan na og kaso aron mobali ug makauban sa prosekusyon samtang ang insider witness dili kinahanglan nga gipasakaan og kaso inay gi-utilize sila aron mopalig-on sa kaso batok sa mga sinumbong.
Dugang niini nga nakatutok ang ICC sa gitawag nga “top of pyramid” nga maoy ilang ma-filan og kaso.
